要在職場上遇到好老細，實在是非一般的難！有打工仔分享，指自己的老細是一名基督教，常將「教會」掛在嘴邊之餘，亦會強逼員工返教會，而最令大家感到不滿的是，老細在「保就業」計畫完結後便隨即裁員，更形容是「上帝畀佢哋嘅考驗」！
該名打工仔在「辦公室日報」投稿，指自己曾在職場上遇過有基督徒老細，經常軟硬兼施地叫員工返教會，對方在某年聖誕節更強調「我唔理呀！你哋搵人跟我返教會，我應承咗啲弟兄，帶唔到人返去點交代呀？」。樓主表示，若有同事做錯事，老細便會把握機會，指要「罰」他們返教會，令他相當不解，「例如我鍾意姜濤，會唔會話罰你陪我睇姜濤吖？我覺得enjoy先鍾意㗎嘛」，認為若返教會是好事，老細不應該用個「罰」字。
老細有領取政府的「保就業」資助，但對方在計畫完結後便即時大裁員
而最令樓主睇唔過眼的是，老細有領取政府的「保就業」資助，但對方在計畫完結後便即時大裁員，人力資源部一度慘變「磨心」，忍不住向老細攤牌，怎料卻換來對方一句涼薄說話：「我而家又冇犯法，跟足程序去做，你哋唔好覺得裁員就一定慘啦！呢個係上帝畀佢哋嘅考驗嚟㗎！」
樓主不禁表示，有宗教信仰亦不一定是好人，亦覺得老細「影衰」了整個宗教，指可能有同事本來不抗拒基督教，但之後一講起便會想起這個「世界級」老細。
帖文引起網民熱議，紛紛表示不認同該名老細「擺宗教上枱」的行為，有人更諷刺道「第時佢盤生意冇咗，都係上帝畀佢嘅考驗」；另外亦有人指是「人的問題」，與宗教無關，「真係多得呢啲人幫耶穌拆招牌」。
資料來源：辦公室日報 / 星島日報
Email: advertising@jobmarket.com.hk
Email: enquiry@jobmarket.com.hk
